2021 –ന്റെ ആദ്യ പാദത്തിൽ രണ്ടാമതും കോവിഡിന്റെ വിഷപ്പുക ലോകമാകെ പടർന്നു. വിമാനങ്ങൾ പറക്കാതെയായി. യാത്രയിലായിരുന്ന ആയിരക്കണിക്കിന് ആളുകൾ പലേസ്ഥലങ്ങളിലും കുടുങ്ങിപ്പോയി. ആ കൂട്ടത്തിൽ ഞാനുമുണ്ടായിരുന്നു. എഴുപതു വർഷങ്ങൾക്കു മേൽ പഴക്കമുള്ള ഞങ്ങളുടെ തറവാട്ടുവീട്ടിൽ ഞാൻ ആറുമാസങ്ങളോളം താമസിച്ചു. കൂട്ടിന് ഞങ്ങളുടെ അമ്മയും ജ്യേഷ്ഠനും.
തിരിച്ചുള്ള യാത്ര നീണ്ടുനീണ്ടു പോയപ്പോൾ, വായനയോടൊപ്പം എഴുത്തും ദിനചര്യകളിൽ കടന്നുവന്നു. പത്രോസും, സാറയും, അന്നമ്മയും, കുഞ്ഞച്ചനുമൊക്കെ എന്നോടും സംസാരിക്കുവാൻ തുടങ്ങി. ആ ദിന രാത്രങ്ങളുടെ ബാക്കി പത്രമാണ് ഈ നോവൽ.
ഇതെഴുതാനുള്ള ശ്രമങ്ങൾ കേരളത്തെപ്പറ്റി എനിക്ക് പുതിയ ഉൾക്കാഴ്ചകൾ നൽകി. നമ്മുടെ നാട്കഴിഞ്ഞ നൂറു വർഷങ്ങളിൽ നേടിയമാറ്റങ്ങൾ അത്ഭുതാവഹമാണ്. അതിന്റെ പിന്നിലെ ചാലക ശക്തികളായിരുന്നു സാമൂഹ്യപരിഷ്കരണങ്ങൾക്കു വേണ്ടി സ്വയംസമർപ്പിച്ച (നമ്മൾ മറന്നുപോയ) ഒരുപാട്മനുഷ്യർ. ഇന്നിനെ ഇങ്ങിനെയാക്കി മാറ്റിയ ഇന്നലെകളിലെ കഥകൾ വായനക്കാർക്കു വേണ്ടിസമർപ്പിക്കുന്നു.

Category : Novel

Writer: Abraham Chacko